<<Զաւեշտ>> կը նշանակէ՝ ծաղրալից թատերախաղ:
    Թատրոն կը կոչուի ոչ միայն այն բեմը ուր տեղի կ՛ունենան ներկայացումներ,այլեւ թատրոնը առաջին հերթին արուեստի առանձին տեսակն
է,ուր սկիզբ առած է դարեր առաջ Յունաստանի մէջ եւ յատուկ ու մասնակի տեղ գրաւած է ժողովուրդներու մօտ:
    Ազգային Քարէն Եփփէ Ճեմարանի Շրջ. Միութեան աշակերտական յանձնախումբը ինչպէս ամէն տարի,այս տարի եւս կազմակերպեց
աշակերտական իւրայատուկ մրցանակ մը,ուր աշակերտներու ինքնաշխատութեամբ գրուած եւ բեմականացուած զաւեշտներ կը
շօշափէին,իրենց առօրեան յուզող հարցերը,շրջապատին հետ առնչուող վատ երեւոյթները ինչպէս նաեւ աշակերտական առօրեայէն բխած
հարցերը,որոնք ճշդուած էին յանձնախումբիս կողմէ:
    Սոյն մրցոյթին նպատակն էր՝
1.-Զարգացնել աշակերտութեան մէջ գրելու եւ արտայայտուելու ձիռքը:
2.-Վարժեցնել՝ բեմական աշխատանքներն ու անոնց մէջ զարգացնել խօսելու եւ ազատ շարժելու կարողութիւնը:
3.-Պատրաստել ապագայի լաւ եւ մասնագէտ դերակատարներ:
    Գրեթէ մէկ ամսուայ տեւողութեամբ կատարուեցաւ մրցոյթի փորձերը ճեմարանէս ներս,ուր աշակերտներն ու իրենց պատասխանատուները
լուրջ աշխատանք ցուցաբերեցին լաւագոյնը ներկայացնելու եւ մրցանակին առաջնահերթութիւնը գրաւելու նպատակով:
    Զաւեշտը տեղի ունեցաւ  1-2  Մայիս  2009,<<Զաւարեան>> թատերասրահէն ներս,որուն մաս կազմած էին ճեմարանիս 7,8,10 եւ11
-րդ կարգերէն աշակերտներ,որոնք թուով կը կազմէին 18 բաժանումներ:
    Բացումը կատարեց յանձնախումբիս պատասխանատու՝ Տիկ. Հուրի Պէրպէրեան-Վերտանեան,ան իր խօսքին մէջ նշեց մրցոյթին նպատակին
ու կարեւորութեան մասին,քաջալերեց յանձնախումբի աշխատանքը եւ շնորհաւորեց աշակերտութեան ու ծնողներու ազնիւ եւ բծախնդիր
մօտեցումին նմանօրինակ օգտաշատ ձեռնարկներուն:
    Սոյն մրցանակին մէջ յատկանշականին էր խումբի անուանակոչութիւնը հայ մեծ դերասաններու անուններով ինչպիսին՝ Մ.
Մկրտիչեան,Սաթենիկ Խաչատրեան,Վահրամ Փափազեան,Կարպ Խաչվանքեան,Վաչէ Ատրունի,Սիրանուշ եւ ուրիշներ , որոնց կենսագրականը
ընթերցեցին յանձնախումբիս անդամուհիները:

7-րդ  կարգին  համար  յանձնախումբս  նախատեսած  է  հետեւեալ  նիւթերը՝

Ա.- աշակերտական  արօրեայ

Բ.- Արդէօ՞ք  պէտք  է  քաջալերել  թրքական  արտադրութիւնները  ,  ինչպէս՝  ֆիլմերը  ,  երգերը  ,  ուտելիքները  ,  հագուստները  եւ  այլն ...

8-րդ  կարգին  համար  յանձնախումբս  նախատեսած  է  հետեւեալ  նիւթերը՝

Ա.-Ծնողքը  ինչ  միջոցներու  պէտք  է  դիմէ  բաւարարելու  համար  ընտանեկան  պահանջքները  :

Բ.-Արդէօ՞ք  պէտք  է  քաջալերել  թրքական  արտադրութիւնները  ,  ինչպէս՝  ֆիլմերը  ,  երգերը  ,  ուտելիքները  ,  հագուստները  եւ  այլն ...

10 եւ 11-րդ  կարգին  համար  յանձնախումբս   նախատեսած  է  հետեւեալ  նիւթերը՝

Ա.-Դրամի  անհրաժեշտութիւնը  մեր  կեանքէն  ներս  :

Բ.-Արդէօ՞ք  պէտք  է  քաջալերել  թրքական  արտադրութիւնները  ,  ինչպէս՝  ֆիլմերը  ,  երգերը  ,  ուտելիքները  ,  հագուստները  եւ  այլն ...